Таrix

Qishloq xo‘jaligiga agrokimyo xizmati ko‘rsatuvchi Markaziy Agrokimyo instituti (SINAO)ning Toshkent filiali keyinchalik O‘rta Osiyo filiali SSSR Ministrlar Kengashining 1964 yil 9-apreldagi 319-sonli qaroriga, SSSR Qishloq xo‘jaligi vazirligining 1970 yil 28-avgustdagi 253-sonli buyrug‘iga asosan tashkil etilgan.

1988 yilga qadar Markaziy agrokimyo instituti (SINAO)ning O‘rta Osiyo filialida 7 ta bo‘lim 1 ta laboratoriya faoliyat ko‘rsatgan bo‘lib (EHM – bo‘limi, Toksikologiya va radiologiya bo‘limi, tuproq va mineral o‘g‘it tahlil laboratoriyasi, tuproq tekshirish bo‘limi, mikroelementlar bo‘limi, dala tajriba-sinov bo‘limi, iqtisodiyot bo‘limi va chorva ozuqalari sifatiga tahlil bo‘limi), umumiy xodimlar soni 100-102 nafarni tashkil etgan.

1988-1991-yillarda tashkilot O‘zbekiston Qishloq xo‘jaligi vazirligi tarkibiga o‘tkazilib “Buyurma-topshiriq” asosida tegishli izlanishlar olib borgan.

O‘zbekiston Respublikasi Qishloq xo‘jaligi vazirligining 1991 yil 21-sentabrdagi 334-sonli buyrug‘iga asosan SINAOning O‘rta Osiyo filiali tugatilib, “O‘zqishloqkimyo” RIIB qoshida kolxozlar, sovxozlar va boshqa qishloq xo‘jalik korxonalariga agrokimyo xizmati ko‘rsatuvchi Ilmiy Texnologik Markaz (ITM) tashkil etilgan.

O‘zbekiston Respublikasi Qishloq xo‘jaligi vazirligining 1993 yil 6-avgustdagi 296-sonli buyrug‘iga asosan “O‘zqishloqkimyo” RIIB qoshidagi Ilmiy Texnologik Markaz (ITM) Respublika loyiha qidiruv agrokimyo stansiyasiga aylantirilgan.

O‘zbekiston Respublikasi Vazirlar Mahkamasining 2001 yil 1-fevraldagi 63-sonli qaroriga asosan Respublika loyiha-qidiruv agrokimyo stansiyasi “O‘zqishloqxo‘jalikkimyo” DAK tarkibidagi Respublika Agrokimyo stansiyasi aylantirilgan.

Respublika Agrokimyo stansiyasi O‘zbekiston Respublikasi Vazirlar Mahkamasining “O‘simliklarni himoya qilish xizmati tuzilmasini takomillashtirish va samaradorligini oshirish chora-tadbirlari to‘g‘risida“gi 2004 yil 29-martdagi 148-sonli qaroriga va O‘zbekiston Respublikasi Qishloq va suv xo‘jaligi vazirligining 2004 yil 2-apreldagi 85-sonli bo‘yrug‘iga asosan O‘simliklarni himoya qilish va agrokimyo markazi tarkibiga kiritilgan.

O‘zbekiston Respublikasi Prezidentining 2016 yil 24-oktabrdagi “Qishloq xo‘jaligiga agrokimyoviy xizmat ko‘rsatish va o‘simliklarni himoya qilish tizimini takomillashtirish chora-tadbirlari to‘g‘risi”gi PQ-2640-sonli qaroriga asosan “Agrokimyo stansiyasi” tashkil etilgan.

O‘zbekiston Respublikasi Prezidentining 2021 yilning 15-iyulidagi “O‘zbekiston Respublikasi O‘simliklar karantini va himoyasi agentligini tashkil etish to‘g‘risida” gi PQ-5185-sonli qarori  bilan Respublika agrokimyo stansiyasi negizida  Respublika agrokimyoviy tahlil markazi va Qoraqalpog‘iston Respublikasi va viloyatlarda hududiy bo‘linmalari tashkil etildi.